Google’s Developing a Feature to Show Brightly Light Streets on Maps

Google’s Developing a Feature to Show Brightly Light Streets on Maps

گوگل اب آپ کو اندھیرے سے بھی بچانے کیلئے تیار
معروف ٹیکنالوجیکل کمپنی گوگل نے صارفین کے فائدے کے لیے اپنی ایپ گوگل میپس میں نیا فیچر متعارف کروانے کا فیصلہ کرلیا۔
گوگل لوگوں کی زندگیوں کو آسان بنانے کے لیے نت نئے منصوبہ پیش کرتا ہے تاہم اب مسافروں کے لیے اس نے نئی کوشش کی ہے۔
غیر ملکی ویب سائٹ کی رپورٹ کے مطابق گوگل نے اپنے ایپ گوگل میپ پر نئے فیچر کو متعارف کروانے کا فیصلہ کیا ہے۔
Google’s developing a feature to show brightly lit streets on Maps
مذکورہ فیچر مسافروں کو راستہ بتانے کے ساتھ ساتھ اب انہیں رات کے اوقات میں روشن اور اندھیرے راستوں سے بھی آگاہ کرے گا۔
گوگل نے اپنی اس ایپ کا نام بھی ’لائٹننگ‘ رکھنے کا فیصلہ کیا ہے تاہم اب تک یہ واضح نہیں ہے کہ اس ایپ کو کب تک عام لوگوں کے لیے قابل استعمال بنایا جائے گا۔
اس ایپ کی مدد سے ایسی گلیوں کی نشاندہی پیلے رنگ سے کی جائے گی جہاں روشنی موجود ہوگی تاکہ ان کا اندھیرے راستوں سے فرق کیا جاسکے۔
اب ایسے افراد جو کسی ایسے علاقے میں سفر کر رہے ہوں جس سے وہ آشنا نہ ہوں تو گوگل میپس کا یہ فیچر ان کی مدد کرے گا۔
اس حوالے سے یہ بھی واضح نہیں کیا گیا کہ گوگل کس طریقہ کار کے تحت ایسی گلیوں یا سڑکوں کا ڈیٹا جمع کرے گا اور انہیں اپ ڈیڈ کرے گا جہاں روشنی موجود رہتی ہے۔
Google’s developing a feature to show brightly lit streets on Maps
گوگل کی جانب سے رواں برس میپس کے لیے ایک فیچر مترجم متعارف کروایا گیا تھا جو مسافروں کو آواز کی مدد سے جگہ کا نام اور پتہ تلاش کرنے اور میزبان سے رابطہ بحال کرنے میں مدد دیتا ہے۔

Report: Daily Jang

Leave a Reply

Your email address will not be published. Required fields are marked *